Kissing A Fool...

At dahil feeling close na kami sa isa't-isa, nagkita kami ng kaklase kong si Slightly-Pokpok Rica sa Glorietta para magshopping.

When I met her in Breadtalk, super gulat ako. Naka-yellow tight tanktop siya, pero hindi yun ang schocking.

May bago siyang hairdo. Meron siyang multi-colored highlights sa buhok niya, prominent pa yung dalawang streaks ng yellow sa may harap.

Pinagtitinginan siya ng mga tao sa mall.

"Hello hello hello!" malakas niyang bati sa akin.

"Hello din sa iyo," sagot ko, "Parang may bago sa hair mo pero di ko ma-pinpoint kung ano."

"Do you like? Yung friend kong bading na si Barbara ang gumawa nito!" proud na sabi ng lola niyo.

"Well, pwede ka nang magjogging sa gabi, hinding-hindi ka mabubunggo sa dilim," I teased.

"Tseh! Inggit ka lang kasi ako, morning sunshine rainbow ang dating," sagot niya, sabay flip ng hair, "Ikaw, rainy days and mondays."

Ako, balak kong bumili ng libro, si Slightly-Pokpok Rica, bibili daw ng swimsuit.

"Swimsuit? Eh tag-ulan ngayon?" tanong ko sa kaniya.

"Nakikialam ka sa gusto ko, sir?" balik-tanong niya, "Pinigilan ba kitang bilhin yung sandamakmak na tasty sa Breadtalk?"

"Hello??? Hindi ito tasty noh?" biro ko, "Galing tong Breadtalk kaya ang tawag dito loaves."

"Maarti ka!" tawa niya.

After a few minutes of browsing in Terranova (kung saan pinili niya ang mga pinakapokpok na tops na nakita ko doon sa shop), nag-aya siyang magpunta sa food court kasi may kikitain daw kami.

"Sino?" tanong ko.

"Basta," sagot ni Slightly-Pokpok Rica, habang may tinetext.

Ten minutes later, dumating ang third party... si SchoolBoi!

"Hi!" bati niya, looking like a bench model in his dark green shirt and denim pants.

"Hello hello hello!" sagot ng Slightly-Pokpok Rica na naging high-pitched all of a sudden ang boses.

"Tsong," sagot ko naman, na pilit na nagpapaka-discreet.

Natawa sila pareho, tapos nagtanong ni Schoolboi, "Ok lang ba samahan niyo ako pumili ng shirt sa Bench?"

Tango lang ang sagot ko, pero ang Slightly-Pokpok Rica, kinuha ang kamay ni Schoolboi at malanding hinila siya papunta sa Bench.

On the way there, I saw a large group of folks from PeopleSupport na medyo kakilala ko.

Sabay-sabay silang bumati sa akin, may isa pang tumawag ng "Hi Callboi!" sa akin.

Habang papalayo sila, nagtanong ng pabiro si Slightly-Pokpok Rica, "Sikat ka, sir?"

Ngumiti lang ako. None of my classmates in UP know of my blog, and I'd like to keep it that way, actually.

"Bakit Callboi ang tawag sa iyo nung isa?" tanong ni Schoolboi.

Namula yata ako, sabi ko sa kaniya, "Ha? Baka naman baboy, hindi Callboi."

Pagpasok namin ng Bench, pinanood namin si Schoolboi habang nagsusukat siya ng mga damit sa fitting room.

"Silipan mo," bulong ni Slightly-Pokpok Rica.

"Gaga," bulong ko din, pero siyempre, medyo slightly natutukso akong sumilip.

"Malaki kaya?" bulong uli ni Slightly-Pokpok Rica.

"Malay ko," sagot ko.

"Asuuuus, as if hindi mo siya pinagpapantasyahan gabi-gabi ang katawan niya," biro niya.

Kinurot ko siya dahil palabas na si Schoolboi.

Dalawang green na shirts ang pinili niya.

"Di ka rin mahilig sa green ano?" tanong ko sa kaniya.

Natawa si Schoolboi, "Hindi ako ang mahilig sa green, yung boyfriend ko ang may gusto."

Tapos pumila siya sa cashier, samantalang kami ni Slightly-Pokpok Rica, naiwan sa gitna ng underwear section, tulala.

To be continued...