Call Center Confidential

The other day, dahil sosyal kami ng mga teammates ko, nag-dessert kami sa Classic Confections sa may Greenbelt 5.

Akala nila ililibre ko sila. Sabi ko naman, sagot ko lang ang taxi. Hehehe, fifty pesos lang pala ang cab fare.

Nung papunta na kami sa Classic Confections, napansin namin na may nagshu-shooting sa katabing resto.

My heart stopped when I saw who it was. Shet. Si Tim Yap. Ang leader ng mga "poser" ng Embassy.

Naramdaman ko kaagad kung anong katarantaduhan ang ipapagawa sa akin ng mga ka-team ko.

"Bookie! Pa-picture ka with Tim for your blog!!!" ang sigaw nila at pilit sa akin.

Eh hello??? Nasa loob ng restaurant si Tim no? At mukhang busy siya. In fairness, may itsura pala si Tim sa personal. Kaso ang kapal ng foundation. Para siyang naglalakad na bavarian donut. Amputeeeh!

Pinipilit pa rin ako ng mga teammates ko, kaya ang sabi ko, "Mamaya. Promise, paglabas niya, papakuha ako ng pic with him, kahit hate na hate ko ang fez niya."

So yun na nga, umorder na kami ng cakes. Panalo talaga sa Classic Confections. Diabetic ako pero wala na akong paki. Kung puwede nga lang dun na ako tumira eh. Ang tawag ko sa mga waiters and waitresses nila "friends".

Ito yung in-order ko:

Ang triple chocolate mousse. Grabe ansarap. Siguro ganito ang lasa ng mga anghel pag kinain mo sila.

Habang ineenjoy namin ang mga mumunting cakes namin, madalas akong pinapapatayo at pinapalabas ng mga kateam ko para icheck kung tapos na ang shooting ng baklang Tim. Since sinusuwerte ako, hindi pa sila tapos.

Binagalan ko naman ang pagkain para makaalis na agad ang baklita. Effective naman, kasi paglabas namin, wala na siya.

"Bad trip ako tuloy," ang sabi ng Tanya, ka-team ko.

"Sayang naman," ang sabi ni Jarabels, isang kateam ko rin na apparently may crush kay Tim.

Tatawa-tawa lang ako kasi nakatakas ako sa kahihiyan.

So, ayun na nga, naglakad-lakad muna kami sa mall. May pa-picture picture sa paligid. Patingin tingin sa mga stores, as if afford naming bumili ng Marc Jacobs or ng DKNY.

Pag minamalas ka nga naman, nakasalubong pa namin ang baklitang Tim pababa ng escalator. Di nako nagsalita kasi baka makita ng kateam ko, kaso nakita pa rin nila, mga leche.

Bago pa nakasakay si Tim, tinawag na siya ni Tanya, "Excuse me, Tim, can we have our picture taken with you?"

Oo naman agad ang bruha. Sabik sa photo-opportunity.

Di naman siya nagtaka na kahit ang dami namin, ako lang ang lumapit para magpapic. At eto ang resulta:

I just want to explain, hindi ako kinikilig sa pic na to ha? HINDI. Nahihirapan lang akong huminga dahil masikip ang collar ko.

At syempre pa, nainggit ang Tanya, nagpasama:

The whole time na katabi ko si Tim, hindi ko siya tinitignan. Promise. And again, hindi ako kinikilig. OK?