Ducati mo ako...

Ducati: Noun; an Italian motorcycle manufacturer located in Bologna, Italy.

So yan, alam niyo na kung ano yung Ducati. Hindi siya sakit na parang buni. Motorcycle siya.

Anyways, galing kami ng kateam-mate kong si Jejoi kanina sa Mercury Drug, pabalik ng office, ng mapansin ko ang isang pulang Ducati na nakaparada mismo sa harap ng lobby, malapit sa pinto.

"Ano yan? Premyo?" tanong ko sa kasama ko, pero napansin ko rin na may helmet na ang sasakyan at mukhang may nagmamay-ari na nito. Akala ko naman sobrang nag-all out na ang HR natin, akala ko Ducati na ang incentive para sa mga referral bonuses natin. Panalo sana.

Grabe naman makapag-park ang may-ari nito, sa isip-isip ko, abusado. Kulang na lang ipasok mismo sa loob ng lobby. Kayabangan talaga ng mga tao oh.

Pagpasok namin sa lobby, nakasalubong namin si Bong Borja, ang COO ng PeopleSupport, na dati kong boyfriend. Echos. Nakaleather jacket ang lolo mo.

Aaaaah, kaya pala. Sino nga ba naman ang magkakaroon ng lakas ng loob na ipaglandakan sa harapan mismo ng kaniyang gusali na meron siyang ubod ng mamahalin na bisikleta.

Pagkakita ng mga guard kay Bong, aba, parang biglang nabuhayan ang mga lolo mo. Dalawa pa silang bumukas ng mga pinto para sa kanya, grand exit ba.

"Buti pa si Bong, pinagbubuksan ng pinto ng mga guard," nabanggit ko bigla.

Kasi naman, pansin ko, kahit na makita ng mga guard na andami dami mong dala, di ka pa rin nila pagbubuksan ng pinto. Bagkus, hihingan ka pa ng ID. Mukha pa silang galit pag pinag-intay mo.

Tapos, di ba nakakainis kapag ininspeksyon nila yung bag mo, parang grabe silang makahalukay ng gamit, pasundut sundot pa nung stick nila na akala mo magic wand ni Voldemort.

Ano naman ang ineexpect nilang dadalhin ko papasok sa office? Bomba? Oo, aaminin ko, there are certain moments in my life that I have entertained the thought of blowing up this building, pero fantasy lang yun. I would never act out on my homicidal tendencies, not yet anyway.

Pero alam niyo, di lang kay Bong ang preferential treatment ng mga guards. Pati sa mga Kano na dito nagwowork sa company natin. Kulang na lang magbow down sa pagpapakita ng respeto ang mga guards natin pag Kano ang nakakasalubong nila.

Nasaan na ang pagmamahal sa kapwa Pinoy? Nasaan na ang Proud-to-be-Pinoy na spirit?

Wala nga akong Ducati, pero afford ko namang bumili ng sarili kong pedicab. Hindi ngayon, oo. Siguro pagdating ng susunod na thirteenth month, pwede na.